【娛樂熱話】《聲秀》蕭凱恩糖妹超高水準合唱獲陳奐仁畀20分滿分今集《聲

【娛樂熱話】《聲秀》蕭凱恩 糖妹超高水準合唱 獲陳奐仁畀20分滿分

今集《聲秀》上演「歌手助力戰」，除了出場的助力歌手陣容強勁，更誕生兩組超高分「9字頭」組合，更有組員獲得評審陳奐仁給出20分滿分！

兩大靚聲合唱

這位獲得陳奐仁給予滿分的組員，是譚耀文組的「靚聲王」蕭凱恩（Michelle），她聯同糖妹演繹〈我的驕傲〉，無伴奏的開場伴以超清澈的歌聲，聽到評審陳奐仁（Hanjin）拍晒手，更向譚耀文畀心心手勢，Hanjin說：「原因好簡單，因為喺節目入面我第一次聽到一個完全完整嘅演出，冇伴奏開始好震撼，和音編排好合理，亦都唱得好乾潔，成件事就係音準好、節奏清楚、意境明顯、演出完整。」舒文則表示：「暫時睇咗咁多performance，呢一個起𠄘轉合係最好，Vocal arrangements好好，做到Rock musical嘅感覺。」

Michelle與糖妹在無伴奏下開場，大晒靚聲。

Michelle為譚耀文一組的「靚聲王」。

糖妹的助力，令整個表演綿上添花。

陳奐仁不止大派心心，更送上20分滿分。

雷有輝讚成隻歌所有編排值100分。

甄敏芳獲讚有進步

今集另一搶焦位是蘇永康組大熱選手甄敏芳（Jenny）聯同吳業坤（坤哥）獻唱〈原來只因深愛著〉，Jenny一身露背長裙亮相，女神氣場滿分！Jenny甜美聲音配合坤哥溫暖而具感染力的聲音，相當有火花，連有份監製歌曲的評審舒文及周錫漢（Randy）亦異口同聲大讚，舒文：「我覺得坤哥同Jenny都進步咗，最少聽到佢哋嘗試去交流，好似打網球咁，Jenny比上次大膽咗、有feel咗。」Randy讚Jenny有非常明顯進步，「唱歌有進步，非常明顯，我想畀其他學員知道嘅就係，你take risk你就有reward囉，呢個係一個幾有勇氣嘅Move。」

胡鴻均用心良苦安棑

當主持陳懿德訪問二人時，取笑坤哥謂：「你明明係Hubert（胡鴻鈞）路過導師嚟架喎！」因為之前坤哥曾義氣教Hubert一組的穎喬（Ziva）、周智敏Emily唱歌，坤哥聞言即自嘲小氣謂：「上次都係有緣經過㗎啫，但我見到佢哋都冇多謝我，我就離開咗，我好小氣㗎！」雖然坤哥話明「小氣」，但Hubert仍處變不驚地說：「咁咪造就你今次咯（同靚女合唱），用心良苦呀，我特登咁鋪排㗎！」陳懿德聞言再補刀：「你想同Jenny唱，見人哋靚女。」二人夾攻下搞到坤哥大嗌救命：「我好危險呀，而家。」相當搞笑。

Jenny聯同坤哥演繹〈原來只因深愛著〉。

Jinny的表演獲讚大有進步。

坤哥由路過導師變成助力歌手。

坤哥被主持陳懿德笑指過檔蘇永康一組。

Hubert笑指刻意鋪排，讓坤哥與靚女Jinny合唱。

坤哥演唱完後，又與Jenny來個「隔空擁抱」，表現更相當怕醜。

舒文認為坤哥與Jenny有交流有火花。

周錫漢讚Jinny踏出勇氣的一步。