龔嘉欣今日（2/10）現身將軍澳出席《2025年下半年度傑出員工嘉許計劃 》頒獎典禮，龔嘉欣獲頒發「傑出員工」獎項，心情興奮接受《香港01》訪問時表示：「自己冇諗過自己會再攞獎，同埋呢個獎係要靠好多幕後嘅同事，一齊提名同投票，然後又要評委選出嚟，其實對我嚟講都係好緊張，因為真係要面試。」
龔嘉欣續指面試過程會講出自己入行17年的感受：「我同佢哋講拍劇咁多年，大家就好似屋企人咁，因為拍劇會有好多爸爸媽媽，同埋好多同事由我19歲睇到我而家，其實係好難得。」
對於無綫驚爆人事變動，兩大功臣徐正康和何小慧突然宣布退休惹起網上熱議，有網民猜測人事變動將會陸續有來。龔嘉欣表示：「其實我真係冇留意新聞，因為我係比較少睇社交媒體，係你講我先知。（有否和徐正康合作過？）有合作過，因為之前都有啲劇佢監製過。不過都好正常，因為每間公司有人事變動都好正常。（擔唔擔心之後有更多嘅人事變動？）咁我又冇呢樣嘢，同埋我覺得都唔係我工作範圍內，咁所以都係做好自己。」
