【On.cc】張頴康離巢作煞科 林夏薇趙璧渝現身飯局慶功由兩大影后楊茜堯及林夏薇等主演的無綫新劇《玫瑰戰爭》經過連月拍攝，近日終完成中、港兩地所有戲份，台前幕後開始後期製作，然後靜待劇集明年推出。團隊早已建立深厚友誼，趁煞科即相約食收工飯，席間總監製鍾澍佳帶領眾人開香檳慶祝，位位演員笑到四萬咁口，場面熱鬧溫馨。楊茜堯等人為《玫瑰戰爭》煞科慶功。據悉，這亦是張頴康離巢無綫最後的一套參演劇集，現身煞科飯局難免感觸良多，而身為其後輩的趙璧渝爭取機會與他合照留念，事後更與社交平台留言﹕「同康哥同劇咗幾次，雖然一直都冇乜機會同你做對手戲，不過好多謝你喺休息嘅時候，好樂意同我分享你嘅演心得。你係一位好好嘅演員同前輩，江湖見，希望將來有機會再同你合作。」趙璧渝亦捉着林夏薇集郵，感性表示﹕「同薇薇之前都合作好幾套劇，但之前對手戲場口都唔算多，今次妳係我親愛的Boss跟妳搵食，有妳有我﹗多謝妳呢兩個半月嘅照顧同提點，我哋等劇集山街再見啦。」今次係張頴康離巢無綫最後一套參演劇集。趙璧渝同林夏薇感情好。趙璧渝大讚張頴康係好好嘅演員同前輩。楊茜堯好戲之作。同林夏薇大鬥戲。
