“向太”陈岚俾人嘅形象

一直都係精明能干、

事业型、女强人

感觉咩鬼鼠嘢

都逃唔出佢法眼

但系

喺最新一集《萌探2024》里面

黄子韬就用AI换面成向佐

成功用视频呃到向太

虽然话

九成九係节目效果

但向太都好配合咁

发文提醒大家

慎防高科技诈骗

尽管有网友觉得

能够科普新科技

又可以起到警示作用

确实几有意义

但同时亦有啲声音话

向太连自己亲生仔都认唔出

好似并冇大家以为嘅醒目啵

▓▓▓▓▓▓▓▓▓▓▓░░░░努力加载中……

一波未平一波又起

向太可能係心神不宁

夜晚冲凉时唔小心跣亲

年纪大骨头脆

呢一跣就令佢挞低之后

自己起唔翻身

加上厕所门maybe

特别隔音密实

搞道佢呼救都冇人听到

疼痛难忍又求救无门

向太就瞓喺厕所成半粒钟

先俾人发现

真係几阴公噶

一般正常人跌亲

又痛到咁嘅程度

都会考虑call白车送院医治先

向太觉得大晚上打急救电话

容易引发不实报道

会浪费公共资源

所以佢硬忍咗一晚

等天光先入院治疗

最终向太因为大髀跌断咗

植入咗4支钢钉去固定

佢仲风趣咁调侃自己

成咗名副其实嘅“钢铁女侠”

“钢铁女侠”最犀利嘅係

植入钢钉第二日

就穿到花孔雀咁靓落地锻炼

令唔少人都惊讶咗

原来有钱人做完手术

恢复期都短过人嘅

就好似之前传谢贤瘫痪

后来佢健步如飞行街嘅时候

多有人话佢再现医学奇迹啦

向太由“硬忍一晚”到“术后就落地”

成个过程睇落都几“奇迹”

//////////

向太后来用视频讲述

自己受伤经历嘅时候

提到自己为人善良

但人生却波澜不断

命运多舛咁

翻查佢过去嘅经历

原来佢6岁嘅时候

就被查出有白血病

到卜卜脆嘅年纪

佢妈咪又因为烂赌

“卖”佢去舞厅抵债

绝望嘅佢曾经想过自杀

被制止之后就发奋图强

嫁咗好人家之后

总算有啲好日子过了

40+嘅时候

以为自己可以安享天伦啦

又check到脑部问题

治疗之后受内分泌被影响

暴肥成依家嘅身材

今次喺屋企跌亲

求救过程曲折、诸多阻滞

尽管“向太”已经係

人哋口中嘅“人生赢家”

儿子孝顺新抱靓女

可以做好多自己想做嘅嘢

不过富婆嘅生活

真係唔似表面睇到咁写意嘅

好多嘢仲係要靠自己争取

一样要承受常人的病痛嘅

希望佢早日康复啦~

靓SHOW开售

吴若希巡演【顺德站】

2024“IN.POSSIBLE”

吴若希巡回音乐会-顺德站

5月18日登陆

顺德演艺中心大剧院

更多新的元素

&新的嘉宾阵容加入

俾你全新视听体验哦

快来“可乐生活”官方抖音号

抢飞啦

艾怡良巡演【厦门站】

艾怡良巡回演唱会

《不想忘记的名字》

深圳、广州站开卖即售空

冇抢到票嘅fans唔使担心

艾怡良又官宣咗新嘅城市

7月12号厦门站

都在热卖中

快来“可乐生活”官方抖音号

买飞啦

来源：可乐生活Color微信公众号

编辑：张子殷

审核：曾敏妍

签发：骆苹