【明報即時】吳若希稱愛貓有先天性心臟病 最多剩1個月命：個心隱隱痛
Jinny轉述心臟科醫生表示，Kristoff因為基因問題，有先天性心臟病：「而依家嘅情況最多剩下三個星期到一個月嘅命。」（Ig圖片）
吳若希（Jinny）今天（9日）在社交平台貼出抱住愛貓Kristoff，但同時她凝重表示：「有機會是Kristoff和我們的最後一張合照。」
Jinny憶述在8月22號，貓貓仍肥肥白白在她的牀上反轉個肚瞓覺，豈料相隔數天，在8月27日要送愛貓入院：「醫生檢查之後問我要唔要簽急救同意書，嗰刻我真係呆咗，『咩事呀？點解會突然間咁嚴重？』﹑『佢尋日仲好地地跑來跑去，點解一晚之後變成咁？』」經過兩天住院檢查，心臟科醫生表示Kristoff因為基因問題，有先天性心臟病：「而依家嘅情況最多剩下三個星期到一個月嘅命。」
Jinny坦言由一開始接受不到：「每晚返嚟見到佢咁﹐都會忍唔住喊，到而家流唔出眼淚，淨係喺個心度隱隱痛。我覺得，我已經接受咗喺未來幾個星期，佢會隨時離開我。」
Jinny憶領養Kristoff的點滴：「呢隻係街市領養返嚟嘅貓，戴住魚檔阿叔帶嘅白色手套，跟咗我哋五年多。Honey離世之後，佢就係呢間屋嘅大佬～平時最安靜係佢，但次次我個仔喊嘅時候，佢永遠都會陪住佢，喺佢側邊喵～以為名種貓先會有嘅病，估唔到唐貓都會有....好可惜，但更加會好好珍惜。」
（即時娛樂）
