明报：薛家燕力Sell“细John” 关嘉敏劲冧：我好锺意佢㗎

TVB《女神配对计划》其中一位女神关嘉敏（Carmen），接受新城广播《开心大派对》访问，甫开始，Carmen即被主持薛家燕及思敏追问关于《女神》问题，非常搞笑。

家燕姐劈头八卦地问Carmen当初参加时，会否谂“係咪嚟真？”、“真係锺意咗咁会点？”而思敏也插嘴追问“係TVB搵你？”、“还是内部公开招募？”

Carmen直言：“算係内部招募，当时拍紧楼宇短剧，监制导演知道我冇男朋友，问有冇兴趣参加？我话都好喎！我已有3年冇拍拖，如果喺节目中搵到男朋友，就当係Bonus，讲真，边有咁易搵到男友呀？拍个节目就锺意对方？当时纯粹觉得想玩下，认识唔同男性朋友。”

家燕姐问现在是否已选了意中人？Carmen露出甜丝丝笑容，她豪爽说：“我好主动地拣咗姜大卫个仔细John（姜卓文），哈哈！”家燕姐甫听到姜卓文名字，即开心到大叫并大讚：“佢係我世侄嚟，我同佢爹哋、妈咪好熟㗎，佢好乖仔，唔错！”

Carmen闻言反应超兴奋，更不顾仪态惊喜尖叫：“家燕姐世侄，我好锺意佢㗎！细John未入围时，已经睇中佢，但当时佢拣咗Stephanie（李芷晴），我好伤心呀！好唔开心！”

在伤心又不开心之际，好彩的事发生了，只要参赛者被多过1位女神拣中，就要反选，由该位参赛者拣其中1位女神，她把握机会向细John表白，她自豪说：“反选时，佢就拣咗我。”家燕姐马上恭喜她，继续大讚及力销细John：“佢好有礼貌，事业有一番热诚，父母又教得好，恭喜你呀！”