【On.cc】林夏薇生日頂級紅星爭住慶祝　倒數3日同粉絲開P

視后林夏薇上月30日剛過38歲生日，幸福感滿滿嘅佢今年慶生認真大堆頭，一眾無綫紅星都現身去佢豪宅開生日會，當中就見到黃翠如、蕭正楠、胡定欣、洪永城夫婦、劉愷威、趙希洛、黃祥興等出席，主角林夏薇更以露腰Top襯牛仔褲現身，一展索爆水蛇腰，一身型格打扮被讚有Taste！現場見到大家為佢準備咗「Happy Birthday R」字樣汽球、大大個生日蛋糕等，又合拍襯晒黑白色Dress code現身，非常有心。壽星女冧豬留言：「🎂ʜᴀᴘᴘʏ ʙɪʀᴛʜᴅᴀʏ ᴛᴏ ᴍᴇ🍾管它幾歲，快樂萬歲🥂感恩父母，感恩一直都在的你們！愿所有的美好都在新的一歲里如期而至✨♥️」

林夏薇超幸福，生日都被至親好友圍實慶祝。

洪永城夫婦拍拖賀林夏薇。

黃翠如專登出關，同蕭正楠齊齊賀林夏薇。

劉愷威現身好驚喜。

向來「寵粉」嘅林夏薇亦將於本月20日假廣州舉行《The Only林夏薇音樂見面會》「生日限定場」，與粉絲近距離互動，難怪生日P見人身材如此弗爆，佢仲拍片送畀粉絲，提大家20日記得鎖定個騷：「記得要鎖定7.20《林夏薇The Only音樂見面會》，我們廣州唐人館 不見不散！🎤✨倒數3天🙌🏻💝」

林夏薇20日廣州搞見面會。

林夏薇狂影靚相。

林夏薇靚樣殺晒。

落力宣傳。

林夏薇Cute爆。

到時見！