【娱闻】51歲楊恭如無懼素顏上鏡 被讚氣質如昔
加入「帶貨」行列 偕母遊山玩水活得自在
.
1995年亞洲小姐冠軍楊恭如樣貌標緻，有「最美亞姐」之稱。原本星途一片光明，卻因為2002年被爆介入前上海首富周正毅婚姻，令佢形象插水，自此淡出香港幕前多年。現年51歲嘅楊恭如近年定居上海，雖然絕少公開露面，仍不時喺社交平台分享日常生活、扮靚心得，最近更加入「帶貨」行列，容光煥發嘅狀態被網民讚係「不老女神」。楊恭如同媽媽感情深厚，兩母女成日孖住去旅行，早排佢哋一齊搭高鐵，楊恭如寫道：「只要出去旅遊眼睛都是放光的~忘記用高清拍了，湊合看吧，哈哈哈。」
楊恭如以清爽短髮造型示人，見素顏出鏡嘅佢眉毛較淡，有浮腫眼袋，略顯疲態。有網民留言：「你這樣，大馬路上真認不出來了。」楊恭如回覆：「根本不想被認出來，這樣才自在！」有人覺得佢面部緊緻，大讚佢樸實自然，氣質依然。
楊恭如當年奪得亞姐冠軍後入行後隨即備受力捧，除咗擔入亞視多部劇集《雪花神劍》、《我和殭屍有個約會》嘅女主角，佢亦曾參演多部古裝劇，包括《風雲之雄霸天下》、《雪花神劍》，更有「古典美人」嘅稱號。之後更登上大銀幕，喺處女作《甜蜜蜜》中同黎明飾演夫妻，更獲提名金像獎最佳新演員。不過，楊恭如2002年被爆搭上前上海首富周正毅，更被男方太太毛玉萍當眾掌摑，楊恭如自此事業大受打擊。楊恭如多年之後講到此事，聲稱被男方花言巧語欺騙下，先介入對方婚姻：「佢當初冇講有老婆，後來我發現係第三者，覺得好受傷。」
