同屆楊梓瑤工作多！倪樂琳自勉唔比較： 呢行要想辦法生存

藝人倪樂琳去年履行完港姐任務，終於有機會入劇組，拍攝《飛常日誌II》，飾演地勤一角，是她出道後首次拍劇，她說拍攝期間很開心，自覺已成為空姐，與空姐服連為一體，她笑說：「因為我着住件空姐服後，好多旅客認錯我係空姐，好搞笑。」劇組去年底煞科後，倪樂琳由頻密的拍攝進度，回到等待工作的日子，故開始胡思亂想：「我都迷茫過，拍《飛II》嗰兩、三個月心境好開朗，但煞科之後跳番去被動模式，開始又會亂諗嘢，依家算係諗通咗。」她表示沒有工作期間會看書及找朋友傾偈，將生活日程填滿，她直言：「鍾意呢行就要想辦法生存。」道出不少演藝人的心聲。

同屆港姐季軍楊梓瑤畢業於北京電影學院，參演過電影及短劇，倪樂琳讚對方演戲專業，若現在有人找她演短劇女主角，自己也擔心未必應付得好：「覺得命運會帶我應該去嘅地方，擔心唔嚟，唔諗太多會開心啲，唔係擔心就有機會，要天時地利人和。」她說近日獲邀拍內地短劇，寄望之後劇集推出時，會有更多機會。

此外，早前導演葉念琛揀選她做「阿寶」拍攝宣傳片將於情人節推出，倪樂琳表示試鏡當初不敢抱太大希望，估不到一擊即中，事後她有問過導演為何選她，原來是因為她在社交網Po過一條檸檬茶短片而吸引到他的注意，她開心表示：「佢覺得我笑起嚟有阿寶嘅感覺。（甜美笑容吸引葉念琛？）可能係。（讚你笑得甜？）好似有聽過，可以諗吓賣笑。」自言眾多位「阿寶」之中，她最鍾意是鄧麗欣，但覺得每一個演出者都有不同特質，不會去比較。TVB