TVB橫掃創意大獎再揚威紐約電影節 .去年贏盡口碑嘅無綫劇集《麻雀樂團》、熱播綜藝《女神配對計劃》，以及創意無限嘅《警聲百二秒》，3月26日喺香港珠海學院舉辦嘅第三屆創意產業創新年度大獎頒獎禮中，分別榮獲創意產業創新大獎（電視）、創意產業年度大獎同創意產業創新大獎（資訊及文教節目製作）；至於無綫歌手張與辰，就榮獲創意產業年度創意人物大獎同創意產業創新大獎（音樂）。

連奪兩獎嘅張與辰受訪時表示會繼續督促自己，挑戰跨領域工作。自認為食嘅佢最想主持煮食節目：「因為我太鍾意食，同埋都識得煮少少，希望學習多啲、煮多啲，睇吓可以喺飲食界玩出啲乜嘢新嘅花樣。」

另美國影視圈年度盛事「2026紐約電視電影節」將於當地時間5月21日舉行，日前率先公布入圍名單，TVB喜獲合共7項提名，名單如下：

1. 《新聞女王2》 – 劇集組別入圍2. 《女神配對計劃》 – 綜藝節目組別入圍3. 《新聞透視：宏福苑五級火》 – 時事節目組別入圍4. 《新聞透視：詐騙園進化》 – 公共事務節目組別入圍5. 《刑偵12》宣傳片 – 電視劇宣傳組別入圍6. 《2025父親節》宣傳片 – 電視台／形象宣傳片組別入圍7. 《2025香港小姐競選決賽》 – 製作設計／美術指導組別入圍TVB