藝人邱晴最近在HOY旅遊節目《女行團》中火力全開，三點式泳裝大解放勁騷好身材，相當吸睛，吸引不少工作機會。工作忙碌的她最近終於有一日假期，可以好好休息，於是帶媽媽到主題樂園玩，但卻攰到在劇場瞓著，比返工更加攰，她說：「諗住同媽咪去主題樂園放鬆下，結果嗰日又熱又曬又行好多路，令到第二日更加攰，我哋去睇劇場仲一齊瞓着咗，但都好開心。」

邱晴指小時候放假要玩到盡才覺得沒有浪費假期，但長大後覺得待在家中才是真正休息：「細個成日諗住放假要去邊度玩，但呢個年紀令我發現放假，要喺屋企先係真正嘅休息。」