减磅近百斤变“细细粒”！被质疑靠科技手段，有新恋情做动力~天真自曝“我瘦了”引共鸣~

都话每个胖子都是潜力股

一旦瘦身成功

分分钟变型仔靓女

有网友发现

内娱金牌经纪人杨天真

最近“瘦过自己”&大为震撼

原来，杨天真近期po出

同演员宋佳嘅合照

睇到网友眼瞏瞏：

“佢居然瘦咁多”

（眼瞏瞏，粤语拼音ngan5 king4king4，瞏音同“琼”）

唔单网友认唔出

连同杨天真合影嘅宋佳

都差啲认唔出佢嚟

合照中

杨天真一改知性feel

换上少年感嘅运动裙

穿搭风格变化颇大

大家觉得佢连气质都唔同咗

杨天真喺po文中

回应咗自己嘅拍拖传闻

表示无需恋情让自己变得更好

亦都唔会为咗拍拖去瘦身

//////

其实，从上年开始

天真就频繁晒运动日常

平时佢会去骑行

仲记录咗骑行之后

自己瘦身20斤嘅过程

又晒过打羽毛球vlog

大家都可以见到

佢手臂慢慢有咗肌肉线条

今年3月

佢大方晒出自己体重数据

已经从200几斤瘦到124斤

有部分网友喺评论区

质疑佢瘦身係靠“科技”手段

可能会教坏年轻人

其实，喺5年前

杨天真为治疗糖尿病

确实做咗切胃手术

但佢强调呢个係

以治疗为首要目标嘅

手术后

杨天真并冇突然暴瘦

反而係最近

揾到自己钟意嘅运动

结合健康嘅饮食方式

先肉眼可见变瘦咗

今年2月

杨天真曾po文表示

“我瘦了，不是因为减肥”

引起大批网友共鸣

更有人喺评论区同佢讨论

杨天真瘦身有成效

多少受糖尿病治疗的影响

主要仲係用运动、饮食方式

唔刻意追求瘦身数字嘅心态

都几值得大家借鉴嘅

资料来源：小红书、微博等网络信息综合整理

编辑：黄译萱

一审：曾敏妍

二审：董华海

三审：骆   苹

【微店】羊晚文创线上商店

【邮政】中国邮政微邮局

【淘宝】羊晚生活馆

【小红书】Color班马

都可以买到《可乐生活》

▼▼▼