【On.cc】張家輝一改親民性格？街邊爭的士惹衝突
影帝張家輝平時出名貼地親民，不時更被網友晒出偶遇合照，未料日前竟然有網友晒出張家輝喺中環同一名男子爭的士嘅片段，期間現年60歲嘅張家輝更身手敏捷避開對方攻擊，引嚟唔少網友熱議。
片中所見，身穿深藍色外套襯卡其褲嘅張家輝，喺中環街頭截的士並打算上車，未料上車之際，竟然衝出一名身穿灰色短T嘅男子同佢爭的士，發生爭執期間，該名男子更向張家輝出手攻擊，幸好張家輝身手敏捷避開，引嚟唔少網友討論外，更有網友認為係拍廣告。
張家輝出名貼地親民。
喺中環被網友巧遇。
竟然同人爭的士？
隔住咁邋距離都Feel到張家輝畀人搶的士嘅憤怒。
黑晒臉。
此外，亦有網友今年6月喺中環巧遇張家輝拍攝，只見當時張家輝與一名銀髮老者為爭上的士，直接上演一幕熱血沸騰的格鬥戲，只見張家輝先係一腳踩上對方大髀，再借力跳起使出鉸剪腳鎖頸，然後以背落後翻滾，整套動作一氣呵成，簡直贏盡掌聲。
出埋鉸剪腳鎖頸。
真係身手敏捷！
