【On.cc】蕭正楠澳洲返港興奮晒手信 疑冇老婆份嬲嬲豬
藝人蕭正楠（阿蕭）與黃翠如2018年結婚，婚後恩愛非常，翠如今年3月中順利誕下愛情結晶品「蕭哈哈」，一家三口生活美滿，阿蕭亦坦言要更積極工作賺錢養家，他早前便與好兄弟黎耀祥及曹永廉飛澳洲拍攝旅遊節目，不時於社交平台分享所見所聞，留下老婆翠如獨自照顧「蕭哈哈」，翠如眼見老公在外面「活著Viva」，自己則被留在家中跟囝囝「困獸鬥」，結果忍不住要出Po扮嬲嬲扁咀「宣洩」一翻，令人爆笑。
阿蕭昨日於社交網發文晒相，寫道：「我要返屋企啦！將澳洲啲動物帶晒返屋企，屋企嗰兩個，你哋等我呀，下次一家三口再飛澳洲。」相中阿蕭展示繡上不同卡通動物樣子的毛衣，一看便知是送給囝囝的手信，見他滿面笑容，看來對戰利品相當滿意！圈中好友馬國明、陳煒等都留言表示讚好，不過太太翠如就似乎有點不滿，留言質問：「我嗰件呢？」，其他粉絲亦有幫口留言質問，阿蕭見狀即回覆：「我就是妹她的禮物。」未知阿蕭回到家要否接受「跪玻璃」懲罰呢？
終於返香港見囝囝喇！
急不及待！
晒送畀囝囝嘅禮物。
認真可愛！
竟然禮物冇老婆份，返去可能要「跪玻璃」。
萧正楠[超话]
