【On.cc】孖陳展鵬吳若希美國登台　張振朗騷前發燒OnStage突然復活視帝

【On.cc】孖陳展鵬吳若希美國登台　張振朗騷前發燒On Stage突然復活

視帝陳展鵬、張振朗和吳若希近期都是音樂會常客，最近都分別於不同地方開音樂會，日前他們更難得合體到美國登台，三位唱得之人除了獨唱多首名曲外，更跳唱了多首經典快歌，炒熱全場氣氛。而振朗今次更是帶病上陣，開騷前都要躺在後台的梳化上休息，但上到台就精力充沛，更落台與現場觀眾握手互動，難怪連吳若希都讚厲害，於社交網PO相留言：「發燒嘅人on stage完全冇事。」振朗都回應她謂：「多謝你啲藥！」

振朗昨日（18日）接受東網獨家訪問時謂：「我突然間開騷前發燒、頭暈同肚瀉，可能食咗啲唔乾淨嘅嘢，超級辛苦，臨開騷前我都瞓喺張梳化度，好在平時公司訓練得好好，之前綵排我都冇力，但臨開騷化完妝、整完頭突然意志力驚人，好番晒，the show must go on，成個人返番力，今次真係意志力大考驗，所以好開心，又過一關。」

而展鵬昨日返港亦於社交網分享今次美國演出的點滴，他PO相及留言表示：「今次音樂會可以圓滿成功，係因為有大家嘅支持，揸咗咁多個鐘車同我哋見面，特別要多謝越南嘅Fans，呢份心意令我可以全程投入表演，多謝三藩市嘅朋友，今次個場館真係好靚，但係最靚就係全場爆滿嘅你哋，望落台，見到大家唱住我嘅歌，由頭唱到尾嘅畫面開心到成晚都瞓唔着，應承大家，無論下次喺邊一個洲再見，我一定唱更多歌，報答大家，期待下次見面！」

而本月23日，展鵬亦會舉行其「陳展鵬DREAM PLAN佛山音樂會」，之前他已忙於練歌，綵排，望為當地粉絲帶來不一樣的音樂會。而向來有善心的他，早前亦帶同女兒小豬比及太太單文柔於內地做慈善工作，跟一班殘疾人士齊齊玩遊戲及做小手作等，開心又有意義。

陳展鵬、張振朗和吳若希到美國登台。

激罕同台演出。

振朗騷前病咗。

On Stage就滿血復活。

睇到Fans好開心！

完全冇影響表現。

Jinny梗係晒埋美腿。

展鵬好落力。

大唱金曲。

好深情。

Good騷啦！